escort escort

Наградата на Светскиот самит за мобилни апликации - Македонија
2014
 
 
Почетна
Наградата на Светскиот самит
Наградата на Светскиот самит за мобилни апликации  ги нагласува културната разновидност и идентитет, создавањето на различни информативни содржини и дигитализацијата на образовното, научното и културното наследство. Наградата има за цел да ги направи придобивките од новото информатичко општество пристапни и значајни за целото човештво, а особено да ја подигне јавната свест и им го даде заслуженото јавно признание на е-содржините со највисок квалитет, произведени ширум светот. 

Ги повикуваме сите ентузијасти кои сакаат да добијат можност за учество на Наградата на Светскиот самит за мобилни апликации да ги испратат потребните содржини и информации за контакт на bardhyl_AT_metamorphosis.org.mk. Крајниот рок за пријавување е 15 јули, 2014 г.

Што претставува Наградата на Светскиот самит?

Како иницијатива под покровителство на Обединетите Нации, Наградата на Светскиот самит промовира дигитални содржини кои навистина се издвојуваат. Ги избира најдобрите производи од повеќе од 160 земји-членки на ОН и ги поставува на глобалната сцена на светскиот конгрес за дигитални содржини.

Како да учествувате?

Поднесете го вашиот проект во една од следниве категории :

  • м-бизнис и трговија
  • м-влада и учество
  • м-учење и образование 
  • м-забава и животен стил
  • м-туризам и култура 
  • м-медиуми и вести
  • м-животна средина и здравство 
  • м-инклузивност и оспособување

Глобална мрежа од експерти ги номинира 8-те најдобри локални апликации на глобалниот натпревар. Пријавените мобилни апликации ги оценува меѓународно жири меѓу август и септември оваа година во Абу Даби, коешто ги избира 40-те победници, по пет во секоја категорија. 

Еден од највозбудливите настани во рамки на м-НСС 2014 ќе биде прославувањето на најистакнатите меѓународни е-содржини на Светскиот конгрес за Наградата на Светскиот самит за мобилни апликации 2014 година. Со голема поддршка од ADSIC , Наградата на Светскиот самит ќе ги одбележи најинтелигентните и најкреативни е-содржини во Абу Даби, од 1 до 3 февруари, 2015 година. Четириесетте добитници на НСС ќе имаат можност за презентирање на своите проекти, вмрежување со бизнис партнерите и запознавање со други експерти од областа на ИКТ на Светскиот конгрес на НСС во Абу Даби.



Наградата на Светскиот самит е глобална иницијатива за избор и промоција на најдобра е-содржина којашто започна да се доделува во 2003 година во рамките на Светскиот самит за информатичко општество на Обединетите Нации. Процесот се одвива преку национални избори и еден глобален избор, кои се одржуваат на секои две години и голем број национални и меѓународни конференции и работилници посветени на содржините – наречени Патувачко шоу на Наградата на Светскиот самит.


Наградата на Светскиот самит е проект кој поканува на учество и глобален центар за сите кој го гледа клучното значење на креирање одлични е-содржини во рамките на новото информатичко општество. До денес 168 земји активно се вклучени во Наградата на Светскиот самит. Нови партнери од целиот свет секогаш се добредојдени да и се придружат на оваа глобална иницијатива!

Што е дигитален јаз?
Дигиталните библиотеки, новиот начин на раскажување приказни, станаа вообичаена појава. Но, што е со луѓето кои немаат пристап до интернет или не зборуваат англиски? Што е со луѓето кои не ни знаат што значат зборовите „мрежа“ или „интернет“? Не, проблемот не е во тоа што тие немаат компјутер. Проблемот е во тоа што тие немаат пристап до квалитетни содржини кои можат да им го променат животот.

Што е содржински јаз?
Како што светските економии се фокусираат на креирање и унапредување на технолошките производи, прашањето на содржините се смета за непотребно. Технологијата и сето она што технологијата го произведува се поврзани меѓу себе, не можат еден без друг. Сепак, „она“, сржта на сето тоа, останува само мало делче од тоа што може да биде, и тоа поради страшниот недостаток на финансии.

 
© 2016 wsa.org.mk
Powered by [Joomla!]